მაჩუ პიქჩუ ერთადერთი ტურისტის გამო გაიხსნა

You're reading Entrepreneur Georgia, an international franchise of Entrepreneur Media.

მაჩუ პიქჩუ - ინკების იმპერიის სამფლობელო, უზარმაზარი ლოდებისგან XV საუკუნეში აგებული ქალაქი, უზარმაზარი გალავნით და ტერასებით არაერთი ადამიანისთვის ყველაზე სასურველ სანახაობას წარმოადგენს და უამრავ ტურისტს იზიდავს მსოფლიოს არაერთი ქვეყნიდან.

იაპონელი ჯესი კატაიამა ასეთი ადამიანების რიცხვს მიეკუთვნება, რომელიც სამშობლოდან ინკების ქალაქის მოსანახულებლად ჩავიდა, თუმცა კორონავირუსის პანდემიის გამო ის პერუს ერთ-ერთ ყველაზე მკაცრ "ლოქდაუნში" მოექცა, სადაც 7 თვის განმავლობაში იმყოფებოდა, 12 მარტიდან.

13 ოქტომბერს, სპეციალური ფორმის შევსების შემდეგ, პერუს კულტურის სამინისტრომ მისთვის გამონაკლისი დაუშვა და მაჩუ პიქჩუს დათვალიერების საშუალება მისცა.

"ეს საოცრებაა, დიდი მადლობა" - ეს იყო იაპონელი ტურისტის რეაქცია, რომელიც მაჩუ პიქჩუს მთის წვერზე ჩაწერილ ვიდეოში მთელ მსოფლიოს გაუზიარა .