Twitter-ის თანამშრომლები კვირაში 84-საათიანი სამუშაო გრაფიკით იმუშავებენ
You're reading Entrepreneur Georgia, an international franchise of Entrepreneur Media.
CNBC-ის მიხედვით, Twitter-ის თანამშრომლები იმაზე მეტს მუშაობენ, ვიდრე ეს ილონ მასკის მოსვლამდე იყო. ეს მას შემდეგ დაიწყო, რაც თანამშრომლებს თანამდებობიდან გათავისუფლების საფრთხე დაემუქრათ ანტრეპრენერის მიერ კომპანიაში დაგეგმილი რეორგანიზების ფონზე.
Twitter-ის მენეჯერებმა პერსონალის ნაწილს უთხრეს, რომ მათ 12/7-ზე რეჟიმით უნდა ემუშავათ, რაც კვირაში 84 საათს შეადგენს.
28 ოქტომბრიდან კომპანიის თანამშრომლებისთვის მიცემული საქმის მოცულობა, გუნდის ნაწილმა პლანეტის უმდიდრესი ადამიანისგან ერთგვარ გამოცდად აღიქვა, იმის დასადგენად, თუ ვინ რამდენს მუშაობს.
კომპანიაშიშიშობენ,რომმათიTwitter——თანთანამშრომლობა შესაძლოა დასრულდეს, თუ ნოემბრის დასაწყისისთვის ისინი ვერ მოასწრებენ მათზე დაკისრებული მოვალეობების შესრულებას.
Insider-ს განუცხადეს, რომ Twitter-ის მენეჯერებს სთხოვეს მიმოიხილონ სამუშაო პროცესი და გაუგზავნონ მასკის გუნდის სია, სადაც იქნებიან ის თანამშრომლები, რომლებიც უნდა დარჩნენ კომპანიაში.
მენეჯერებიც გრძნობენ დაძაბულობას. ზოგიერთმა მათგანმა The New York Times-ს უთხრა, რომ 28 და 29 ოქტომბერს ღამით Twitter-ის ოფისში ეძინათ.
გასულ კვირას, Twitter-ის ტოპ-მენეჯერები მასკთან და მის გუნდთან ერთად, კომპანიის სან ფრანცისკოს სათავო ოფისში გამართულ შეხვედრებს დაესწრნენ, სადაც მათ სთხოვეს აღეწერათ საკუთარი განყოფილების მუშაობა. Twitter-ის ზოგიერთმა მენეჯერმა The Times-ის გამოცემას განუცხადა, რომ მათ სამართლიანად აფასებდნენ სამსახურში.
The Washington Post იტყობინება, რომ მასშტაბური შემცირების პირველ ეტაპზე, მასკის გუნდი Twitter-ის თანამშრომელთა დაახლოებით მეოთხედის გათავისუფლებას გეგმავს.
წყარო: insider
