Apple-მა მინიმუმ ერთი თვით გადადო ოფისში დაბრუნების ვადა COVID-19 შემთხვევების ზრდის გამოApple-მა ივნისში გამოაცხადა, რომ სექტემბრიდან დაწყებული მის თანამშრომლებს კვირაში სამი დღე უნდა ემუშავათ ოფისში
You're reading Entrepreneur Georgia, an international franchise of Entrepreneur Media.
როგორც Bloomberg-ს წყაროებმა შეატყობინეს, Apple-მა სულ მცირე ერთი თვით მაინც გადადო ოფისში მუშაობის განახლება.
Apple-ის გეგმის მიხედვით, მისი თანამშრომლები სექტემბერში კი არა, ყველაზე ადრე, ოქტომბერში დაუბრუნდებიან ოფისს, მიზეზი − COVID-19-ის შემთხვევების ზრდაა. Bloomberg-მა არ დაასახელა იმ ადამიანების ვინაობა, რომლებმაც ეს ინფორმაცია მიაწოდეს.
აშშ-ში COVID-19-ით ინფიცირებულთა რაოდენობა განსაკუთრებით იმ შტატებში გაიზარდა, რომლებშიც ვაქცინაციის დაბალი მაჩვენებლებია. დაავადებათა კონტროლისა და პრევენციის ცენტრის დირექტორმა, დოქტორმა როშელ ვალენსკიმ 16 ივლისს განაცხადა, რომ წინა კვირასთან შედარებით, შემთხვევათა რაოდენობა დაახლოებით 70%-ით გაიზარდა. ჯანდაცვის მსოფლიო ორგანიზაციის მონაცემებით, 12 ივლისის მდგომარეობით, წინა კვირასთან შედარებით, მთელ მსოფლიოში თითქმის 12%-ით გაიზარდა COVID-19-ით ინფიცირების შემთხვევები.
苹果——მაივნისშიგამოაცხადა,რომპერსონალიოფისშისექტემბერში უნდა დაბრუნებულიყო. ამასთან ერთად, ისიც აღნიშნა, რომ ჰიბრიდული მუშაობის მოდელს ნერგავდა, რომლის მიხედვით, თანამშრომლები სამსახურში კვირაში მინიმუმ სამჯერ უნდა გამოცხადებულიყვნენ. ეს რეჟიმი მას Silicon Valley-ის ისეთი კომპანიებისგან განასხვავებს, როგორიცაა Twitter და Facebook. მათ თანამშრომლებს განუცხადეს, რომ განუსაზღვრელი დროის განმავლობაში შეეძლოთ შინიდან მუშაობა.
Apple-ს ამ საკითხზე კომენტარის გასაკეთებლად Insider დაუკავშირდა, მაგრამ პასუხი ვერ მიიღო.
ოფისში მუშაობის სამდღიანმა მოდელმა ზოგიერთი თანამშრომელი მეტისმეტად შეაშფოთა, 80-კაციანმა ჯგუფმა ივნისში გაუგზავნა წერილი კომპანიის აღმასრულებელ დირექტორ ტიმ კუკს, და უფრო მოქნილი მიდგომა მოითხოვა, მაგრამ ამის მიუხედავად, კომპანიას თავისი პოლიტიკა არ შეუცვლია.
ივლისის დასაწყისში The Verge-მა (ამერიკული ვებგვერდი, რომელიც ახალ ტექნოლოგიებს აშუქებს) Apple Slack-ის შიდა არხს გადახედა და აღმოაჩინა, რომ ზოგიერთი თანამშრომელი სამუშაო მოდელის გამო აპირებდა კომპანიის დატოვებას, ზოგიერთი კი, სასამართლოში სარჩელის შეტანის შესაძლებლობასაც განიხილავდა.