და მაინც, ვინ არის ანტრეპრენერი?11 პასუხი კითხვაზე
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
„მე არ ვქმნი ფილმებს ფულის საშოვნელად. მე ვშოულობ ფულს ფილმების შესაქმნელად", – ეს ფრაზა უოლტ დისნეის ეკუთვნის და საუკეთესოდ განმარტავს ანტრეპრენერულ ღირებულებას, რომელიც არა მხოლოდ ფულის შოვნის, არამედ ახლის შექმნისკენ დაუოკებელ სწრაფვას ეფუძნება.
და მაინც, ვინ არის ანტრეპრენერი?
1. ანტრეპრენერიალღოიანი მეოცნებეა. ის მომავლის ხედვის მქონე ადამიანია, რომელსაც შეუძლია არა მხოლოდ დაინახოს შესაძლებლობა იქ, სადაც ყველა დანარჩენი მხოლოდ პრობლემას ხედავს, არამედ თავადვე შექმნას შესაძლებლობა. იგი შესაძლებლობას ხედავს ყველგან და ყველაფერში!
2. ანტრეპრენერიდამოუკიდებელი, შინაგანად თავისუფალი ადამიანია. იგი შინაგანი კონტროლის საოცარი უნარით გამოირჩევა, თვითკრიტიკულია, დარწმუნებულია საკუთარ ძალებში! იცის, რომ მომავალი მხოლოდ მის ხელშია და ვერანაირი გარემო ფაქტორები ვერ იქონიებენ ზემოქმედებას მის საქმეზე, რომელზეც ის და მხოლოდ ის იღებს პასუხისმგებლობას.
3. ანტრეპრენერიგამორჩეულია მაგიური თვისებებით. ღრმად სწამს, რომ შესწევს უნარი, საკუთარი ოცნება რეალობად აქციოს – მაშინაც კი, როცა მის იდეას ყველა ეჭვის თვალით უყურებს.
4. ანტრეპრენერიარის მოქნილი, სწრაფად ადაპტირებადი ცვლილებებისადმი. შეუძლია იცხოვროს ცვალებად, არაპროგნოზირებად გარემოში და ნებისმიერი წინააღმდეგობის მიუხედავად, განაგრძოს სვლა დასახული მიზნისკენ.
5. ანტრეპრენერიინოვაციების ექსპერტია. ქმნის სრულიად ახალს ან ძველის ახლებურ დიზაინს გვთავაზობს. უკვე არსებულს ახალ სიცოცხლეს ანიჭებს.
6. ანტრეპრენერირისკიანია, მაგრამ მისი რისკი ყოველთვის მოზომილი და კარგად გათვლილია.
7. ანტრეპრენერიუარსამბობსგარანტირებულშემოსავლებზე,წყნარ,უზრუნველ ცხოვრებაზე და ბუნდოვან, მაგრამ საინტერესო, გამოწვევებით სავსე, მუდმივად მღელვარე და არასტაბილური ცხოვრების სტილს ამჯობინებს.
8. ანტრეპრენერიიმდენადაა დარწმუნებული თავის შესაძლებლობებში და საქმის წარმატებაში, რომ შეუძლია საკუთარი ქონებით გარისკოს! ის დარწმუნებულია მის ხელთ არსებულ ძალებში, მიზნის სისწორეში, და ეს თვითდაჯერება არ ნელდება მარცხის დროსაც. პირიქით – იგი ძლიერდება წარუმატებლობაში, რომელიც მისი საბოლოო წარმატების შემადგენელი ნაწილია.
9. ანტრეპრენერიშეუპოვარი და მტკიცეა. არასოდეს კარგავს ენთუზიაზმს, შეუძლია გადალახოს ყოველგვარი წინააღმდეგობა, არ დანებდეს მაშინაც კი, როცა ყველა ფარხმალს ყრის. მას სწამს ჩერჩილისეული წარმატების ფორმულის – „წარმატება არის მარცხიდან მარცხამდე შეუჩერებელი სვლა ენთუზიაზმის დაკარგვის გარეშე".
10. ანტრეპრენერიპროაქტიული და თვითმოტივირებულია. მოქმედებს სწრაფად, სწავლობს კეთების პროცესში. მაღალი შინაგანი მოტივაცია ამოძრავებს – ახლის შექმნის, სამყაროს უკეთესობისკენ შეცვლის მოტივაცია.
11. ანტრეპრენერიარ ელის ბედის წყალობას და იღბალს. იგი უზომოდ შრომისმოყვარე და შეუპოვარია. ის, ისევე როგორც გოლფის ლეგენდა გერი ფლეიერი, იღბლიანობას არა განგებას, არამედ საკუთარი საქმისადმი თავდადებას მიაწერს. „რაც უფრო მეტს ვვარჯიშობ, მით უფრო იღბლიანი ვხდები" – გერი ფლეიერის ამ სიტყვებით ყველაფერი ნათელი ხდება მათთვის, ვინც ჯერ კიდევ სხვისი წარმატების შემყურე უმოქმედოდ ელოდება დღეს, როდესაც მისთვისაც მოიცლის ბედი და იღბალი...
და რას ფიქრობ შენ – ვინ არის ანტრეპრენერი?
მომწერე:editor@entrepreneur.ge
გიორგი შარაშიძე
მთავარი რედაქტორი
